ଅହମ୍ମଦାବାଦ: ଗୁଜୁରାଟ ବିଧାନସଭା ନିର୍ବାଚନ ୨୦୨୨ ପାଇଁ ଆମ୍ ଆଦମୀ ପାର୍ଟି ରବିବାର ଏହାର ପଞ୍ଚମ ତାଲିକା ପ୍ରକାଶ କରିଛି। ଏହି ତାଲିକାରେ ୧୨ ଜଣ ପ୍ରାର୍ଥୀଙ୍କ ନାମ ରହିଥିବାବେଳେ ଏହାକୁ ମିଶାଇ ଏପର୍ଯ୍ୟନ୍ତ ୫୩ ଜଣ ପ୍ରାର୍ଥୀଙ୍କ ନାମ ଆପ ଦ୍ୱାରା ଘୋଷଣା କରାଯାଇଛି | ଆପର ଏହି ୫ମ ତାଲିକାରେ ଭୁଜ ଆସନରୁ ରାଜେଶ ପାଣ୍ଡୋରିଆ, ଇଦର ଆସନରୁ ଜୟନ୍ତୀଭାଇ ପରନାମୀ, ନିକୋଲ ଆସନରୁ ଅଶୋକ ଗଜେରା, ସାବରମତି ଆସନରୁ ଜସୱନ୍ତ ଠାକୋର, ଟାଙ୍କରା ଆସନରୁ ସଞ୍ଜୟ ଭଟସାନା ପ୍ରମୁଖଙ୍କ ନାମ ଘୋଷଣା କରାଯାଇଛି | ସୂଚନା ଥାଉ କି ଯେ ୨୦୧୭ ବିଧାନସଭା ନିର୍ବାଚନରେ ବିଜେପି ୯୯ଟି ସିଟ୍ ପାଇଥିବାବେଳେ କଂଗ୍ରେସ ୭୭ଟି ସିଟ୍ ପାଇଥିଲା ।
ଗ୍ରାମାଞ୍ଚଳରେ କଂଗ୍ରେସ ଅଧିକ ସିଟ ପାଇଥିବାବେଳେ ଅଧିକାଂଶ ସହରାଞ୍ଚଳରେ ବିଜେପି ଜିତିଥିଲା । ସୂଚନାଯୋଗ୍ୟ ଯେ ୧୮୨ ସଦସ୍ୟ ବିଶିଷ୍ଟ ଗୁଜୁରାଟ ବିଧାନସଭା ନିର୍ବାଚନ ଚଳିତ ବର୍ଷ ଶେଷ ସୁଦ୍ଧା ହେବ ଏବଂ ରାଜ୍ୟରେ ବିଜେପି, କଂଗ୍ରେସ ଓ ଆପ ମଧ୍ୟରେ ତ୍ରିକୋଣୀୟ ଲଢେଇ ହେବ | ବିଜେପି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଗୃହ ରାଜ୍ୟରେ କ୍ଷମତା ବଜାୟ ରଖିବାକୁ ଚେଷ୍ଟା କରୁଥିବାବେଳେ ଏହି ନିର୍ବାଚନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇପଡିଛି | ବିଗତ ୨୭ ବର୍ଷ ଧରି ରାଜ୍ୟରେ ବିଧାନସଭା ନିର୍ବାଚନରେ ଜିତିବାକୁ କଂଗ୍ରେସ ଆଶା କରୁଛି। ଏଥି ସହିତ ଏଥର ଆମ୍ ଆଦମୀ ପାର୍ଟି ମଧ୍ୟ ନିର୍ବାଚନ ଲଢେଇ ପାଇଁ ନିଜକୁ ଜୋରଦାର ପ୍ରସ୍ତୁତ କରୁଛି |
